За Европа 92

„Европа 92“ е основана во 1990 година, а нејзини идејни творци се тројца стручњаци со богато искуство во печатарството. Печатницата на пазарот се појави и почна да се пробива со машина за Рото печатење на компјутерски формулари – Goeble (Гебел).

Во 1993 година прави значаен развоен исчекор со преселбата во новоизградената хала во Нова индустрија – Кочани. Тука машинскиот парк се збогатува со две табачни-двобојни офсет машини Heidelberg (Хајделберг).

Во 1996 година Европа 92 со конкурентски пазарни принципи го разби монополот на НИП „Нова Македонија“ и започна со печатење на дневни и периодични весници. За таа цел отвори Рото печатница во Скопје.

 

И 2002 година е значаен меѓник во развојниот процес. Изграден и предаден во употреба е нов производствен простор, односно објект, со 4.500 м2 корисна површина. Истата година е набавена Nebiolo Target II (Небиоло Tаргет II), хит сет рото машина.

Во 2008 година е инсталиран Komori System 20 (Комори Систем 20), печатарска машина за фул колорно хитсет печатење.

Паралелно со инвестициите во нова технологија, „Европа 92“ работи на максимална автоматизација на производството, стандардизација и рационализација. Во годините на динамичен развој печати над 30 наслови на дневни весници, периодични изданија и други информативни содржини.

Во 2016 год. со пуштање во функција на полуавтоматската линија за парцијален UV лак Scien-JC, се одговори на барањето на повеќе клиенти за полуксузен изглед на нивните изданија.

Со инсталирање на линијата за топло лепење WOHLENBERG Vario S30 со поголем број на станици, значително се намали времето за изработка на топло лепени производи.

Пуштена е во употреба нова хала од 850 m2 како магацински простор и на истата е инсталирана фото електрична централа со моќност од 182kW. Со оваа четврта по ред фото електрична централа вкупната моќност на електричната енергија произведена од еколошки обновливи извори се искачи на 332kW  што е доволен показател за општествената одговорност на компанијата во заштита на животната средина.

Инсталирана е нова офсетна печатарска машина MAN Roland 700 со 8 бои и Б1 формат на печатење.

Во истата година од пуштањето на MAN ROLAND 700, инсталирана и пуштена е уште една печатарската машина KOMORI LITHRONE S829P. Машината е со 8 бои во Б2 формат со можност за двострано печатење со едно минување на табакот (4/4 перфектор) и можност за UV лакирање.

2021 беше инвестициска година за печатница ЕВРОПА 92. На почетокот на годината пуштен е еко-солвентен принтер MIMAKI CJV150-160 за печатење на постери со големи формати. Со оваа инвестиција, ЕВРОПА 92 навлезе во нов сфера во дигиталното печатење.

Истата година набавен  е и нож за хартија WOHLENBERG Type 115

Поради зголемениот обем на работа, инвестирано е во нова фалц машина до B1 формат MBO K70.

Следејќи ги најсовремените трендови во делот на дигиталното печатење, постарите модели на RICOH Pro C901, сe заменети со последната генерација на најсовремени RICOH продукциски машинаи и тоа RICOH Pro C9200 модел со 115 страници во минута и RICOH Pro C7200x со можност за печатење на дополнителна пета боја (златна, сребрена, бела) и можност за парцијално лакирање. Како и црно белиот модел со 110 страни во минута RICOH Pro 8110s.

На почетокот на 2023 делот за дигитално печатење на постери со голем формат е надграден со уште еден InkJet принтер CANON TX-4100.

Европа 92 како општествено одговорна компанија, продолжува со инвестирање во обновливи извори на енергија. Оваа година пуштена е уште една фото електрична централа со моќност од 39,7kW.